RPL үнэлгээний ажилтан бэлтгэх сургалт
Албан бус болон амьдралын туршлагаар эзэмшсэн ур чадварыг үнэлж баталгаажуулах үйл явцыг удирдах арга зүйд сургана.
Энэ сургалтаар юу сурах вэ?
- RPL-ийн үзэл баримтлал ба эрх зүйн орчин
- Албан бус болон амьдралын явцад олж авсан мэдлэг, чадварыг хэрхэн албажуулах тухай үндсэн ойлголтыг авна. Үндэсний мэргэшлийн хүрээ болон RPL-ийн холбогдох журам, заавар, үнэлгээний ажилтны баримтлах ёс зүйн хэм хэмжээг гүнзгийрүүлэн судална.
- Нотлох баримт цуглуулах ба зөвлөн туслах арга зүй
- Суралцагчийн өмнөх туршлагыг илрүүлэх, түүнийг баталгаажуулах нотлох баримтын багц (Portfolio) бүрдүүлэхэд хэрхэн чиглүүлэхэд суралцана. Суралцагчийн ажлын түүх, гэрчилгээ, хийж гүйцэтгэсэн бүтээлүүдэд дүн шинжилгээ хийх, зөвлөгөө өгөх арга техникийг эзэмшинэ.
- Үнэлгээний багаж хэрэгсэл ба гүйцэтгэлийн хэмжилт
- RPL-д зориулсан тусгай үнэлгээний хэрэгслүүд болох өөрийн үнэлгээний хуудас, ярилцлагын асуулга, практик сорил болон гүйцэтгэлийн хяналтын хуудсыг стандартын дагуу боловсруулж сурна. Энэ нь тухайн хүний чадварыг бодит гүйцэтгэлтэй нь хэрхэн нийцүүлэн хэмжихэд чиглэнэ.
- Үнэлгээний шийдвэр гаргалт ба баталгаажуулалт
- Цугларсан нотлох баримтууд нь хангалттай, бодитой, хүчинтэй эсэхийг магадлан, суралцагчийг тухайн түвшний чадамжийг эзэмшсэн эсэх тухай эцсийн шийдвэр гаргах арга барилд суралцана. Үнэлгээний үр дүнг баримтжуулах, тайлагнах болон чанарын хяналтыг хэрхэн хэрэгжүүлэх чадварыг эзэмшинэ.
Сургалтын контентууд
Үнэлгээний онол, арга зүй, бид юуг анзааралгүй орхидог вэ?
Үнэлгээний зорилго, үнэлгээний эцэст маргаан гарах шалтгаан юу вэ?
Үнэлгээний зарчим, зарчим зөрчигдөхөд юунд хүрдэг вэ?
Үнэлгээ ажилтан, үнэлгээ хийх албан тушаалтны гаргадаг нийтлэг алдаанууд юу вэ?
Үнэлгээний ажилтны сэтгэл зүйн бэлтгэл, та ёс зүйтэй, мэдрэмжтэй үнэлэгч мөн үү?
Үнэлгээний үеийн эерэг орчин, үнэлүүлэгчийн сэтгэл хөдлөлийн нөлөө
Тест боловсруулах арга зүй, Танин мэдэхүйн 6 түвшинд тест боловсруулах, тестэд шинжилгээ хийх дадлага сургалт
Ур чадварын үнэлгээ, ажиглалтын хуудас боловсруулах арга зүй, чадамж, ажилбар, алхам гэж юу вэ, Ажиглагдахуйц, хэмжигдэхүйц байдал гэж юу вэ?
Мэргэжлийн стандарт боловсруулах, ажлын байрны тодорхойлолт боловсруулах арга зүй, дадлага сургалт
Чадамжид суурилсан хөтөлбөр боловсруулах арга зүй
Үнэлгээний орчины аюулгүй байдал
Чадамжийн хөтөлбөр ашиглан үнэлгээний даалгавар боловсруулах арга зүй
Багшийн мэдээлэл
31 Сургалтууд
0 Суралцагч